Kenaya Oo Sheegtay Inay Kusoo Wajahanyihiin Dagaalyahano Katirsan Alshabaab

| Saturday, Nov 25, 2017 |

Dowladda Kenya ayaa sheegtay in ay kusoo wajahan yihiin boqolaal ka mid ah dagaalyahanada Al-Shabaab ,kuwaa soo kasoo cararay duqeymaha dowladda Mareykanka ay ka waddo Koonfurta Soomaaliya.

Kenya waxa ay sheegtay in ay jirto cabsi weyn, Maadaama ay doonaayaan dagaalyahanada Al-Shabaab in ay kasoo baxaan Soomaaliya , islamarkaana ay gudaha u galaan Kenya.

Saraakiisha ammaanka waxa ay sheegeen in ciidamo badan oo isugu jira Boolis iyo Milatariga ay doobeen xadka Soomaaliya si ay uga hortaggaan in ay soo gudbaan dagaalyahanadaasi.

Agaasimaha Hawlgalka Kenya ka wado Kaymaha Booni, JOSEPH KANYIRI ayaa sheegay in  Al-Shabaab ay bilaabeen bixitaankooda Soomaaliya todobaadkii lasoo dhaafay.

Waxaa uu sheegay in dowladda Kenya ay u diyaar garowday in ay isdifaacdo.

Waxaa uu sidoo kale tilmaamay in ay bilaabeen howlgallo ka dhan ah Al-Shabaab, islamarkaana ay jirto Cabsi badan.

Dadka Kenyaanka ee ku sugan Xadka Soomaaliya ayuu ugu baaqay hadii ay arkaan dagaalyanada Al-Shabaab in ay kusoo wargeliyaan ciidamada Ammaanka.

Dowladda Mareykanka ayaa bilihii lasoo dhaafay si weyn u xoojisay duqeymaha ay la beegsanayso meelaha ay ku sugan yihiin dagaalyanada Al-Shabaab.

Like it? Share it!

Leave A Response